სანდრო და მიკრობი
ეს მძაფრსიუჟეტიანი დეტექტივი, მიუხედავად იმისა, რომ სულ რაღაც თორმეტ გვერდზე იშლება და თითო გვერდზე მხოლოდ ერთი წინადადებაა, მკითხველს მუდმივ დაძაბულობაში ამყოფებს. თქვენ ვერ მოწყდებით მას სანამ ბოლომდე არ წაიკითხავთ. ფინალი კი თან ტრაგიკულია და თან სასიხარულო. თან უბრალო და თან ფილოსოფიური. ნუ გამოტოვებთ ამ წიგნს და მძაფრი გრძნობები გარანტირებული გექნებათ. თანაც წიგნი რეალურ ფაქტებს ეყრდნობა.
ძველებური ნივთების მუზეუმი
ძველებური ტელესკოპი
დაბზარული გული
ამ წიგნების სერია ძველ ნივთებზეა, ახლა ისინი მუზეუმში ცხოვრობენ არადა „...ოდესღაც პატიოსნად ასრულბდნენ თავიანთ მოვალეობას. აი მაგალითად ძველებურ ტელეფონს თავის დროზე იმდენი სისულელე აქვს ნათქვამი და მოსმენილი, რომ ახლა სულ დუმს. დიდი ძველებური საათი კი დაბერდა და გულმავიწყი გახდა, ჩამორჩენა დაიწყო ...“ და ის მუზეუმში მოიტანეს. ამ წიგნებიდან უამრავ საინტერესო ისტორიას შეიტყობთ: შესაძლებელია თუ არა დამსხვრეული გულის გამთლიანება, რამ გააოცა ძველებური ტელესკოპი რომელმაც ყველაფერი იცოდა ცის, ვარსკლავების და გალაქტიკების შესახებ და როგორ მოხვდა უზარმაზი თვითმფრინავი მუზეუმში.
ამურის სამი ისარი
„უცნაური რამ არის სიყვარული. უკვე მრავალი საუკუნეა, რაც კაცობრიობა ცდილობს გაიგოს საიდან იბადება ეს გრძნობა და რა კანონზომიერებებს ექვემდებარება. მაგრამ, როგორც ცნობილია, ყველა ეს მცდელობა უშედეგოდ დამთავრდა, რადგანაც ვერავინ შეძლო, სიყვარულის ფორმულა გამოეყვანა.“ არადა ყველაფერს ძალზედ მარტივი ახსნა აქვს, ანტიკური დროიდან არის ცნობილი რომ სიყვარულს პატარა ცელქი ამურები განაგებენ. თუმცა ყველაფერი არც ისე მარტივად არის ვინაიდან ხანდახან ამურებსაც მოსდით შეცდომები
ძველი ფოტოაპარატი
პატარა თამთას ძალიან, ძალიან პატარა მეგობარი ჰყავს, იგი თამთას ძველ ფოტოაპარატში ცხოვრობს და ერთობ ონავარა ვინმეა. თამთას ძალიან მოსწონს თავისი პატარა, მეგობრის ოინები და საერთოდ არ აინტერესებს რას ფიქრობენ ამაზე სხვები, მითუმეტეს უფროსები. თქვენც შეგიძლიათ დაუმეგობრდეთ თამთას პატარა მეგობარს და მისი ნამოქმედარის შესახებ შეიტყოთ
უცნაური წიგნი
როგორც ცნობილია წიგნში ან ნაწერები უნდა იყოს ან ნახატები, ან კი ორივე ერთად. მაგრამ წიგნში რომელიც პატარა ელენეს აჩუქეს არც ერთი იყო და არც მეორე. აბა მაშინ რა იყო ამ წიგნში? იკითხავთ თქვენ. და მე გიპასუხებთ რომ უბრალოდ თეთრი ფურცლები და მეტი არაფერი. თუმცა რაღაც დროის მერე, როდესაც ელენემ წიგნი კვლავ,გადაშალა მის და გასაკვირად წიგნში ნახატები დახვდა. წიგნი მეტად უცნაური აღმოჩნდა და ელენეს თავისი სიზმრები გაახსენა რომელთაგან ერთი ძალიან ცუდი და საშაში იყო. მეორე კი კარგი და მხიარული.
No comments:
Post a Comment