Lego Kids

 

 

     ორ აქტიურ, ზოგჯერ ჰიპერაქტიურ არსებას, შეუძლია მინიმუმ ერთი საათი მაინც გაატაროს ლეგოს კონსტრუქტორებთან ერთად. აქამდე ეს ლაშას გატაცება იყო, ახლა თინათინიც ნორჩი ლეგოელი გოგო გახდა.  რა ბედნიერებაა, ცოტა მოსვენების საშუალება მიჩნდება. მადლობა ლეგოს, მის შემქნელს! :)

ფუფი ნუფის თმის სამაგრები ბავშვებისთვის

მატისი ბავშვებისთვის Matisse For Kids

     ანრი მატისი, პიკასოსა და მარსელ დიუშანთან ერთად ითვლება თანამედროვე ხელოვნების ძირითადი ტენდენციების ფუძემდებლად. 1920-იან წლებში მან საფუძველი ჩაუყარა ფოვიზმს. ფერისა და ნახატის ფლობის მისეული მანერა აისახება ძირითად ნამუშევრებში, რამაც მას მსოფლიო აღიარება მოუტანა და თანამედროვე ხელოვნების ნამდვილ მეტრად აქცია.

     1947 წელს მატისმა შექმნა ალბომი სახელწოდებით „ჯაზი“. ეს უნდა ყოფილიყო ცნობილი ჯაზ მუსიკოსების – ლუი არმსტრონგისა და ჩარლი პარკერის კომპოზიციების ვიზუალური ანალოგი – „იმპროვიზაციები ფერსა და რიტმში“. ამ ალბომზე მუშაობისას მხატვარმა ფიგურები გამოჭრა გუაშით შეღებილი ქაღალდისგან. ფერისგან გამოძერწა ფიგურები და გააცოცხლა საკუთარი ბავშვობის მოგონებები  – ციგით სრიალი, ცირკის ჯამბაზები, გიმნასტები და კოვბოები.

ამგვარად შეიქმნა მატისის სერია ჯაზის თემაზე :„იკაროსი“, „ცხენი, მხედარი და ჯამბაზი“, „ციგები“.

ვან გოგი ბავშვებისთვის Van Gogh For Kids

ვან გოგის მუზეუმი. ბავშვებისთვის

გასაფერადებელი და დიორამა
ძალიან საინტერესო და სახალისო გვერდია. ამობეჭდეთ და გამოჭერით პატარებთან ერთად.

კამილის დიორამა

ჩვენი ხელით შექმილი საოჯახო ალბომი

      ჩვენ სახლში შენახული გვაქვს ბაბუაჩემის გაკეთებული ძველი საოჯახო ალბომი, ხის ჩუქურთმებიან ყდაში ჩასმული, რომელზეც მამაჩემის ბავშვობის ფოტოა დაწებებული. ოჯახის ისტორია ძველი საბჭოთა ჟურნალებიდან ამოჭრილი ფოტოკოლაჟების, ჰერბარიუმის გაცრეცილი ფოთლების, ყვავილების და სამახსოვრო წარწერების ფონზე იშლება. განსაკუთრებით მიყვარს ფოტო წარწერით – „ზაფხული, გურია, 1967 წ.“  ბაბუა ვენახში დგას თავის დეიდაშვილთან ერთად და პერანგის ჯიბიდან იები  მოუჩანს. ის ჩემ დაბადებამდე 10 წლით ადრე გარდაიცვალა, ხომ არ მინახავს, მაგრამ მგონია, რომ ამ ფოტოთი ზუსტად ისეთს ვიცნობ როგორიც სინამდვილეში იყო.

მფრინავი სახლი Up

2009 წლის კომედიური ჟანრის სათავგადასავლო მულტფილმი
რეჟისორები: პიტ დოკერი, ბობ პიტერსონი.
როლებში: ედვარდ ესნერი, კრისტოფერ პლამერი, ჯორდან ნაგაი, ბობ პიტერსონი, დელროი ლინდო, ჯერომ რენფტი და სხვები.

     კომპანია „პიქსარის“ მიერ შექმნილი „მფრინავი სახლი“ – სამგანზომილებიანი ანიმაციის პირველი და წარმატებული ცდაა - ნახატის სამგანზომილებიანობის აზრით, და არა მხოლოდ ანიმაციის. მულტფილმში ჩვენ გველის თავბრუდამხვევი თავგადასავალი გმირებთან ერთად: მარტოხელა ბაბუ მიდის სამოგზაუროდ ფრიად უჩვეულო ტრანსპორტით: მიფრინავს ასიათასობით ბუშტებშებმული საკუთარი სახლით, ძაღლისა და პუტკუნა სკაუტი ბიჭუნას თანხლებით.

     ფილმის ისტორია ასეთია: 78 წლის ბუზღუნა კარლ ფრედრიკსენს, რომ იტყვიან, ცხოვრებაზე ხელი აქვს ჩაქნეული. რომ შეასრულოს გარდაცვლილი ცოლისთვის მიცემული სიტყვა, ის გადაწყვეტს განახორციელოს თავისი ძველი ოცნება დიდ მოგზაურობაზე. მთელი თავისი ცხოვრება ბუშტების გამყიდველი კარლი ოცნებობდა შორეულ ქვეყნებში მოგზაურობაზე, მაგრამ ვერასდროს ახერხებდა ამას. და აი, უკვე მოხუცი, იმის გამო, რომ მოხუცებულთა თავშესაფარში არ მოხვედრილიყო, ასეთ გადაწყვეტილებას.

     ჰოდა, საკუთარ სახლს მიაბამს ათასობით ფერადფერად საჰაერო ბუშტს და გაფრინდება შორს სამხრეთ აფრიკაში. ნახევარი მილიც არ ქონდა გავლილი მოგზაურს, რომ აღმოაჩინა თურმე შემთხვევით 8 წლის ფუმფულა რასელიც თან გაუყოლებია.

მოკლედ, მოულოდნელად გაირკვევა, რომ მარტო არ წასულა სამოგზაუროდ. მფრინავი სახლის ბორტზე შემთხვევით აღმოჩნდება გაუთავებლად მოლაპარაკე ბიჭი - სრული კოშმარი პენსიონერისთვის, რომელიც სიმშვიდეზე ოცნებობდა. ასე რომ, ეს უჩვეულო წყვილი თავს ამოყოფს სამხრეთ ამერიკის დაკარგულ ქვეყანაში, სადაც მათ ამ ქვეყნად ყველაზე სასაცილო თავგადასავალი ელოდებათ.

ჯუნგლები, შავი კლდეები, უჩვეულო ცხოველები, იშვიათი ფრინველები - ყველაფერი რომ საკუთარი თვალით ენახათ, მერე კი მაქსიმალურად ნამდვილად გაეცოცხლებინათ ეს ბრწყინვალება, ანიმატორები თურმე თავად გაემგზავრნენ თავბრუდამხვევ მოგზაურობაში, დედამიწაზე ალბათ ყველაზე იდუმალ ადგილას, ვენესუელაში, ანხელის ჩანჩქერთან.

ლეგო - სასარგებლო სათამაშოები

      სანამ "ლეგოს" სათამაშოს შევიძენდით, ჯერ კატალოგი ჩაგვივარდა ხელში. მე და ჩემი 2 წლის ვაჟი მგონი ერთნაირი ემოციებით ვათვალიერებდით ”ლეგოს” ჯადოსნურ სამყაროს. ჩემს პატარას განსაკუთრებით მანქანები ხიბლავს და ყოველი გვერდის გადაფურცვლისას, როცა სახანძრო მანქანას ან პოლიციის ჯიპს ხედავდა, ან ტრაქტორის თუ მატარებლის გამოსახულებას შენიშნავდა, აღფრთოვანებისგან სხვადასხვაგვარი შორისდებულები აღმოხდებოდა... მერე ცხოველების ფერმა და ზოოპარკი ამოიჩემა, დინოზავრებიც ჩამოვთვალეთ. კატალოგის თვალიერება ძალიან გვართობდა, განსაკუთრებით, ჭამის მეტად რთული რიტუალური პროცესის დროს.

საყვარელი და ნაცნობი "კიკო" Chicco Toys

კიკოს სათამაშოები – ბავშვის ყოველმხრივი განვითარებისთვის

კიკოს სათამაშოებს მგონი წარდგენა არც სჭირდება. მშობლებმა ბევრი რამ ვიცით მათი ღირსებების შესახებ. ისიც ვიცით, რომ ახალშობილის პირველი შთაბეჭდილებები – სამყაროსთან მისი პირველი კონტაქტია. ბავშვი შეგრძნებებით აღმოაჩენს გარე სამყაროს. და სათამაშოები, როგორიცაა კიკოს მუსიკალური მობილები, აქტიური პანელები, სხვა ათასნაირი ხმოვანი სათამაშო და საკიდი, ასევე რბილი სათამაშოები და დასაგორებელი ხალიჩები – მნიშვნელოვანია ბავშვის ყურადღების სტიმულირებისთვის, რადგან უბიძგებს პატარას მოძრაობისა და მოქმედებისაკენ, ავითარებს მის სმენას, ტაქტილურ შეგრძნებებს, ფერებისა და მოძრავი ობიექტების აღქმას.

50 წლის მანძილზე კიკო მთელ თავის ყურადღებას და ძალისხმევას უთმობს ბავშვების თავისებურებებისა და მოთხოვნილებების შესწავლას. ამ მისიიდან იშვა “კიკოს ზრდის პროექტი” (Chicco Growth Project), რომელიც ემყარება შესწავლას, კვლევას და უშუალოდ დაკვირვებას.