მოდით, ვისაუბროთ ამაზე!

გრძნობით დაწერილი მოთხრობები ბავშვებისთვის და მშობლებისთვის

ავტორი: ჯენიფერ მურ-მალინოსი

ილუსტრაციები: მარტა ფაბრეგა

ქართული ტექსტის ავტორი: გაგა ლომიძე

ფსიქოლოგ-კონსულტანტი: ნანა ჩაჩუა

რედაქტორი: დოდო კარანაძე

გამომცემელი: ქეთევან კიღურაძე

©გამომცემლობა „სიესტა“ 2009

© 2008  Gemser Publications S.L.

 სერიის სახელწოდება ინგლისურ ენაზე Lets Talk About

5 – დან – 11 წლამდე ასაკის პატარებისთვის

ყველა დედა მუშაობს. მნიშვნელობა არ აქვს ქალი შინ მუშაობს და ოჯახს უვლის თუ სამსახურში დადის. ყველა დედა მუშაობს და მათი სამუშაო ორივე შემთხვევაში მნიშვნელოვანია! „დედაც მუშაობს“ – ამ წიგნის წაკითხვის შემდეგ, ჩვენი შვილები უკეთ გაიგებენ იმ მიზეზებს, რის გამოც ორივე მშობელი სამსახურში სიარულს ირჩევს. წიგნში აღწერილია ბავშვის ტიპიურ რეაქცია დედის სამსახურში სიარულთან დაკავშირებით. პატარები ხომ ხშირად მარტო გრძნობენ თავს და მშობლებისგან ყურადღებას და სიყვარულს ელიან, განსაკუთრებით მაშინ, როცა დედა სამსახურში სიარულს იწყებს. ეს წიგნი დაარწმუნებს პატარას, რომ დედას ის ნამდვილად უყვარს და აუხსნის რატომაა აუილებებლი ყველა დედამ იმუშაოს.

 პატარა ბავშვები დაბნეული და გულნატკენი არიან, როცა გაიგებენ რომ მშობლებმა განქორწინება გადაწყვიტეს. ეს გრძნობით დაწერილი წიგნი „როცა ჩემს მშობლებს დაავიწყდათ როგორ ემეგობრათ“გონივრულად უხსნის ბიჭუნებს და გოგონებს, რომ მათ ამაში ბრალი არ მიუძღვით.

თითქმის  ყველა პატარას აქვს საკუთარი ფიქრები და წარმოდგენები ადამიანებთან ურთიერთობებზე. „მოდით, ვისაუბროთ ამაზე „  სერიის წიგნები შეიქმნა განსაკუთრებულად მათთვის. ყოველი წიგნი გაფორმებულია ფერადი ილუსტრაციებით. მშობლებს ვურჩევთ ხმამაღლა წაუკითხონ ეს მოთხრობები თავინთ პატარებს, ერთად დაათვალიერონ მომხიბლავი ნახატებიანი ისტორიები ბიჭუნებისთვის და გოგონებისთვის. უმცროსკლასელები თავადაც შეძლებენ გაეცნონ ამ მოთხრობებს. 

„მე განსაკუთრებული ბებია და ბაბუა მყავს“ წიგნი ეძღვნება არაჩვეულებრივ  ურთიერთობებს რაც ჩვეულებრივ არსებობს პატარებსა და ბებია–ბაბუებს შორის. ეს მომხიბლავი ამბავი ასწავლის ჩვენს შვილებს დააფასონ და მოუფრთხილდნენ მოსიყვარულე ბებია და ბაბუას.

ბევრი საიდუმლოს შენახვა სახლისოა – მაგალითად, სასიხარულო სიურპრიზია დედიკოსთვის დაბადების დღის საჩუქარის მირთმევა. მაგრამ ზოგი საიდუმლოს შენახვა პატარებისთვის არასასიამოვნოა. ამიტომ ასეთი საიდუმლო მშობლებს უნდა გაუზიარონ. მშობლებთან ან სხვა სანდო ადამიანებთან იმ გრძნობების გაზიარება რაც პატარებს აწუხებთ არის მნიშვნელოვანი პირველი ნაბიჯი პრობლემების დასაძლევად და ემოციური ზრდის მისაღწევად. ამაში კი „გაქვს შენ საიდუმლო?“ დაგვეხმარება. თანაც, ყოველი წიგნის ბოლოს მცირე ადგილი ეთმობა სასარგებლო რჩევებს მშობლებისთვის (ასაკი 5-11 წლამდე).

 ეს წიგნები ბავშვებს თავდაჯერებულობას შემატებს, ასწავლის  საკუთარ გრძნობებში გარკვევას და ღიად საუბარს იმ თემებსა და პრობლემემზე, რაც მათ აწუხებთ. ჩვენი შვილები უკეთ გაიგებენ იმ მიზეზებს, რის გამოც ორივე მშობელი სამსახურში სიარულს ირჩევს. ჩვენთან ერთად დაფიქრდებიან როგორი საიდუმლო შეიძლება შეინახონ და რომელი აუცილებლად გაანდონ დედიკოს და მამიკოს.  ასევე გაიაზრებენ რატომაა მათი ბებია და ბაბუა ასეთი განსაკუთრებული და საყვარელი.  ის პატარები, ვისი დედიკო და მამიკოც ერთად აღარ ცხოვრობს, შეძლებენ ჯანსაღად გაიაზრონ მშობლების განშორება.