ავტორი: მარიამ წიკლაური
ილუსტრაციები: ნანა მელქაძე
ფასი 19.90 ლარი
ამ
ტიპის წიგნს დიდხანს ველოდი, ვგულისხმობ იმას, რომ გამოცემის ხარისხი - ფუფმფულა
და საყვარელი, ფერადი და პრიალა, ძალიან სწორად და გემოვნებითაა შეხამებული წიგნის
შინაარსთან და დანიშნულებასთან.
წიგნი ერთდროულად არის ქართული ანბანი, ილუსტრირებული ლექსიკონი და ანბანის მიხედვით კოხტად დალაგებული მარიამ წიკლაურის სახლისო ლექსების
კრებული. მართლა საუკეთესო ლექსებია. ბავშვი ამ წიგნით ისწავლის ანბანს, ნახატების დახმარებით შეეცდება ლექსიკონის გვერდებიდან სიტყვების ამოცნობას, წაიკითხავს მხიარულ ლექსებს ცხოველებზე, ფრინველებზე, მისთვის ნაცნობ საგნებზე, პატარებზე.
ნანა
მელქაძის ნახატები ჩემთვის აღმოჩენა იყო. როგორც ვნახე, თურმე არა ერთი
შესანიშნავი ილუსტრაციის ავტორი ყოფილა. ძალიან მომწონს მისი ხატვის მანერა, მისი თანამედროვე, საყვარელი და ლაღი პერსონაჟები, ნათელი ფერები და ბავშვებისთვის
აბსოლუტურად გასაგები მხატვრული ენა. ვისურვებდი,
საბავშვო გამოცემებში ყოველთვის ასეთ გემოვნებიან ილუსტრატორებს ანდონ საბავშვო
წიგნების გაფორმება.
No comments:
Post a Comment